Hem Raj Bhatt

Hem Raj Bhatt

Hem Raj Bhatt

profile-pic

भिडियो च्याट एप बन्द गर्दै फेसबुक

फेसबुकले आफ्नो भिडियो च्याट एप बन्द गर्ने भएको छ । ग्रुप भिडियो च्याटको प्रमुख एप हाउसपार्टीको एक क्लोन बन्द गर्ने निर्णय फेसबुकले गरेको हो ।

द भर्जको रिपोर्ट अनुसार बोनफायर नामको क्लोन एप यहीँ महिनादेखि नै बन्द हुनेछ । सन् २०१७ को अन्त्यमा फेसबुकले डेनमार्कमा यो एपको परीक्षण सुरु गरेको थियो ।

फेसबुकले भनेको छ, ‘मेमा हामीले बोनफायर बन्द गर्दैछौं । हामीले यसबाट जे सिक्यौं त्यसलाई हामीले विद्यमान तथा भविष्यका अन्य प्रडक्टहरुमा सामेल गर्नेछौं ।’

मुख्य एप हाउस पार्टी एक ग्रुप भिडियो च्याट एप हो, जसमा प्रयोगकर्ताले एप ओपन गरेसँगै आफ्ना अनलाइन रहेका साथीहरुका बारेमा थाहा पाउँछन् र भिडियो च्याट गर्न सक्दछन् ।

फेसबुकले इन्स्टाग्राम तथा मेसेन्जरजस्ता अन्य प्लाटफर्ममा पनि ग्रुप भिडियो च्याटलगायतका फिचर थप गर्दैछ ।

एजेन्सी

गुगलको नयाँ अपरेटिङ्ग सिस्टम, के के छन् फिचर्स ?

गुगलले आफ्नो एन्ड्रोइड अपरेटिंग सिस्टमको नयाँ संस्करण एन्ड्रोइड क्यू छिट्टै नै लञ्च गर्दैछ । बहुप्रतिक्षित एन्ड्रोइडको यो नयाँ संस्करणमा धेरै नयाँ फिचरहरु उपलब्ध हुने बताइएको छ ।

समाचार अनुसार एन्ड्रोइड क्यू मा गुगलले सिस्टम वाइड डार्क मोड फिचर उपलब्ध गराउनेछ । यो फिचर उपलब्ध भएमा स्मार्टफोनमा स्वचालित रुपमा बाहिरी वातावरणको आधारमा डार्क मोड एक्टिभेट हुन्छ ।

एन्ड्रोइडका विषयमा विभिन्न समाचार तथा खुलासाहरु पस्किरहने एन्ड्रोइड पुलिस नामक वेबसाइटका अनुसार गुगलले एन्ड्रोइड क्यू मा जुन सिस्टम वाइड डार्क मोड फिचर दिनेवाला छ त्यसले तय गरिएको समयमा स्मार्टफोनको डार्क मोड लाई सूर्योदय तथा सूर्यास्तमा अटोम्याटिक रुपमा अन-अफ गर्नेछ ।

अर्थात् अँध्यारो हुँदा स्मार्टफोन आफै डार्क मोडमा जानेछ भने उज्यालो वा घामका बेलामा यो डार्क मोडबाट बाहिर आउनेछ । वास्तवमा यसले विद्यमान एन्ड्रोइड डिभाइसमा रहेको नाइट लाइट फिचर जस्तै काम गर्नेछ ।

सिस्टम वाइड डार्क मोड फिचर सुन्दा निकै राम्रो लाग्न सक्दछ । तर यसमा केही कमीहरु देखिएका छन् । यो फिचरलाई एक्टिभेट गरेपछि यसले स्वचालित रुपमा सूर्योदय र सूर्यास्तको समयमा काम गर्नेछ । यो फिचरलाई आफ्नो आवश्यकताको समय अनुसार अन वा अफ गराउने गरी कस्टमाइज गर्न सकिँदैन । अर्थात् दिनको समयमा कुनै अँध्यारो ठाउँमा जानुपर्यो भने पनि मोबाइल डार्क मोडमा आउने छैन । यद्यपि यो फिचर लञ्च भएसँगै प्रयोगकर्ताका प्रतिक्रिया र गुनासाहरुका आधारमा गुगलले यसलाई अपडेट गर्दै कस्टमाइज गर्न मिल्ने बनाउने अपेक्षा गरिएको छ ।

एन्ड्रोइड पुलिसका अनुसार एन्ड्रोइड क्यू मा डिभाइसको ब्याट्री सकिन थालेको जनाउ दिने एउटा गज्जबको फिचर पनि हुनेछ । यो फिचर फोनको ब्याट्री कम भएसँगै एक्टिभेट हुनेछ । यसले ब्याट्री कम भएसँगै फोनको ब्राइटनेस कम गर्ने र पावर सेभिंग मोडमा लैजानेछ । जसका कारण फोनमा ब्याट्रीको खपत तत्कालका लागि केही कम हुन जाने र ब्याट्रीको चार्ज केही समय बढि टिक्नेछ ।

समाचार अनुसार यी फिचरका अलावा एन्ड्रोइड क्यू मा फेशियल रिक्गनिसन, प्राइभेसी कन्ट्रोल, एप पर्मिशन सेटिंग्स, डेस्कटप मोड, बिल्ट इन स्त्रिmन रेकर्डर लगायतका फिचरहरु पनि रहनेछन् । एजेन्सीको सहयोगमा